الهموم في يوفي ازحمني

الهموم في يوفي ازحمني --- هم(ن) على هم(ن) على هم
هم(ن) في راسي متعبني --- و هم(ن) في قلبي ثبت وتم
محد يدري شصايبني --- غربال مع تفكير مع غم
وعيني ما تقضي شاقتني --- ابكي ودمعي يذرف بدم
كل السبب الي معذبني --- يالي بوداده صرت ملزم
ماخذني بروف وتاني --- اشربت كاس الراح علقم
وحبه لبسنس لبس يني --- لبس الخواتم في الصبع تم
ليته بوصله لي يفني --- ويجلي همومي فيه ملزم
حتى في نومي مشاركني --- والرب اللي يدري وايعلم
وغدر الليالي يزيد حزني --- و يـجـدد جـروح بـتقدم
يوم(ن) رحل لبعيد عني --- ونسـى محب(ن) فيه معتم
وين العهد لي معاهدني --- ما هو حفظ عـهـده ولا تم
واشهو السبب لي صار مني --- مـادسـت زلات بـها اعلم
ما اقوى على الهجران لاني --- حـالـي من الفرقى تحطم
يــا قـايـد سـيـد الـدمـنـي --- قـصـر لك في قلبي تهدم
يوم(ن) هواك افـتـر عني --- لـ الربي انا امري مسلم
واحذر عـيـونـك يبكنني --- ما يـفـيـد للماضي التندم
بـتـحمــل هـمـوم بـلـنـي --- هم(ن) على هم(ن) على هم


الشاعرعبدالله بن عمير الشامسي